韓籍啦啦隊女神邊荷律，自去年加入台灣中信啦啦隊後，憑甜美靚樣圈粉無數，早前更憑「偷食」嘅可愛倉鼠樣，冧暈無數粉絲。而日前，受邀拍蛋捲廣告代言嘅佢，片段中不斷食蛋捲及享受美食嘅表情，瞬間掀起熱議，而其經理人更透露：「拍吃的廣告通常會跟藝人說，如果NG吃太多吃不下，可以不要吃沒關係。」但邊荷律就展現吃貨本色，大方表示：「沒關係，我可以！」
25秒嘅廣告成品，邊荷律拍攝期間食咗近20根蛋捲，並重現佢招牌「倉鼠吃」，經理人表示說係粉絲幫佢取嘅稱號，因為邊荷律食嘢習慣將食物鼓喺兩頰，食相似倉鼠非常療愈。因為鍾意食接下食物代言嘅邊荷律許愿，希望以後可以拍啤酒廣告，經理人亦透露，因為台灣食物太美味，加上啦啦隊前輩們知道佢鍾意食就瘋狂餵食，令邊荷律完全唔忌口狂食，對此經理人表示有同邊荷律約定，希望佢下次嚟台灣可以瘦3公斤。
東網網站 : https://on.cc/東網Facebook專頁 : https://www.facebook.com/onccnews/
留言 0