林作與富三代鍾培生的「百萬林鍾一戰」近日成為城中熱話，林作昨午（2月21日）在Instagram宣布應戰，現時需要時間研究拳賽規則。今日近中午時分，鍾培生正式發出合約，在社交平台tag林作叫佢「收嘢」。不過林作將合約列印出來後，在社交平台上載影片指這份生死約僅得兩頁紙，「咩鬼律師寫嘅爛鬼拳擊賽事舉辦的合約？０分重作」。
林作表示收到鍾培生寄給他的拳擊賽事舉辦合約，在片中他扮認真睇合約條文，說道「各位呢一份係鍾培生先生send畀我嘅拳擊賽事舉辦合約，兩頁紙都唔知係咩律師寫，中文合約，我都未簽過！咁嘅垃圾都send畀我。」即場撕爛該合約，在鏡頭前向鍾培生挑機：「親自嚟同我傾過。」鍾培生轉貼林作影片兼回覆：「除咗生死狀同埋出場費唔改得，有咩可以配合你。」
鍾培生回覆傳媒時表示「唔打由佢！」而林作則反駁條款寫得太業餘，不夠全面。有網民質疑林作和鍾培生根本一早夾定，在網上掀罵戰整造話題，免費宣傳谷人氣。
咩鬼律師寫嘅爛鬼拳擊賽事舉辦合約？0分重作！
Posted by 林作 on Sunday, February 21, 2021
同大家介紹我的教練，我下線 @sochungor #林作保險
Posted by 林作 on Sunday, February 21, 2021
