Sammi 鄭秀文近年的歌名都很有意思，驟眼看在某程度上反映Sammi的心態變化，就像新歌《萬物有時》，令人不期然聯想到和她自身的人生觀有關。不過Sammi表示原來新歌是「至尊金曲」《我們都是這樣長大的》更深層次的答案。
Sammi早在一年半之前已收到這首歌的音樂demo，但一直未有合適的歌詞，她說：「收到音樂部份之後，一直未搵到可以描述到自己心境嘅歌詞，直到收到而家呢份詞，個感覺就係『係佢喇！』。我覺得呢首歌可以套用於每個人的生命中，亦都好似幫《我們都是這樣長大的》搵到一個更深層次嘅答案。入面有兩句歌詞我特別喜歡：『善萬物自有得着時，花開落有滄桑故事。』每個人生命中都會遇到各自嘅困難、一啲滄桑無奈嘅事，嗰刻可能覺得好悲傷，唔知點樣應付，但隨著時間過去，時間會畀一個最好答案你。其實每個人喺生命入面都會遇上一啲無力時刻，希望呢首歌可以俾到大家一個療癒作用，而唔係普通一首流行曲。」
為著表達歌曲的內容意境，Sammi和MV導演細榮（莊少榮）曾研究很多不同的構想，她說：「我同導演細榮都有相同睇法，想用比較影像化嘅感覺去呈現呢首歌嘅意境，喺CG特技幫助下，呢部份嘅感覺係比較深刻。整體希望帶出人喺生生不息嘅狀態入面，喺唔同境況期待萬物有時，喺每件事都有好嘅生機好嘅出路。去到故事結尾，希望可以帶出比較正面嘅感覺。」
Sammi亦特別出IG post介紹新歌：「Mi終於有最新廣東歌：#萬物有時 當我收到這份歌詞時，我甚至覺得這首歌，可以說是對「我們都是這樣長大的」作出呼應。我們每個人都在各自的經歷中成長，掙扎，進步，希望或失落，變化。甚至必需正面迎向生與死。我們都是這樣長大的。最終我們也會慢慢發現，很多事情不能急於一時，很多事情我們找不到答案，但始終：萬物有時。就像這首歌的最後一句：人在經歷中，得失總有意思。#不要絕望就是一種希望 #有希望就有前進的動力 #萬物有時 #萬物有時🌱 #好好愛廣東歌 #廣東歌 #mi終於終於有最新新歌 😄😄😄 #萬物有時 年月裡學會, 如何更愉快…. 春天有幸福的意思 歲月星辰，種出大智 秋風裡靜細訴 成長的演化，從不容易 善萬物，自有得着時 花開落，有滄桑故事 如在風暴中，重新歷練意志🥰💪🏻 #萬物有時」
View this post on Instagram
留言 0