關智斌甫濕身相！網友話：好羨慕張敬軒？

現年38歲的關智斌（Kenny）對比當年初出道的斯文靚仔look，近年「佬」咪愈來愈濃，仲學人操肌練大隻，不時在IG晒肌肉相衝擊網友眼球。而前日Kenny就轉玩濕身誘惑，公開幾張性感浴照，搞到一班網友都瘋狂留言「好hot」，有網友仲話「好羨慕張敬軒」添。

相中梳上all-back頭、穿身白色長袖衫的Kenny將成個人浸晒在浴缸入面，濕透的衣服將Kenny的身型線條盡現人前，而Kenny仲用一個誘人的眼神望住鏡頭， 性感程度完全令人有瑕想！

好友阿Sa蔡卓妍見到這輯相都即時留言：「唔准你咁誘惑人呀」，有網友就搞笑留言：「好羨慕張敬軒。」、「張老闆已like」。