Bob媒人公出Po幫富婆搵男友 「在美國擁100間屋收緊租」

Bob又出動介紹筍盤。

Bob林盛斌是圈中出名的「金牌媒人」，曾成功幫張秀文、朱慧敏等覓得好歸宿。今天（30日）他在社交網出Po，貼上在美國做房地產生意的女友人照，幫手搵男友。
Bob貼女友人在早餐桌前的照片，留言大讚對方「心地善良，性格開朗，可愛活潑，平易近人，而缺點方面，係為食咗少少，真係少少嘅啫，早餐食豬扒腸蛋麵係會唔夠飽要加個餐蛋治烘底」，然後鄭重表示：「同埋仲有一樣嘢要講明先，先小人後君子，因為佢自己喺美國有超過100間屋收緊租，所以有時可能會飛來飛去，未必成日陪到你，希望你唔好介意。」

Bob貼上女友人食早餐照。

貼文一出，網民反應熱烈，雖然已寫明「有邊位男士有興趣想認識吓佢？留言啦。」但很多女生都照留言「我唔係男士，但都想識佢喎……」、「我係女…可以認識嗎？」、「幫我問下女朋友得唔得」等，就連黃建東也有留言：「好欣賞佢對早餐嘅熱誠」。

Bob推介反應熱烈。