向太曾借千萬給劉德華還債　仲用2800萬翡翠鍊打賭奪影帝

「向太」陳嵐向來都鍾意拍片同網民互動，早前她才分享一條「Home Tour」影片公開其豪宅有大泳池、巨型景觀盆栽、一排排名牌袋及名酒，當中一幅擲巨額用銀箔馬賽克所造的牆更令網民嘩然。而近日她再分享一條以「我和華仔的故事」為題的影片，自爆當年曾經跟劉德華（華仔）打賭，賭注更是一條價值2800萬港元的翡翠頸鍊，令網民嘩然。

向太分享2000年華仔憑電影《暗戰》入圍角逐香港電影金像獎最佳男主角，但當時他覺得自己沒有資格拎下影帝寶座，但向太就好有信心，更跟華仔下賭約表示自己看中了一條價值2800萬港元的翡翠項鏈，如果她贏了華仔就要送給她，當時華仔更問「那我拿不到呢」，向太豪氣拋出一句「我隨便你要什麼」！結果華仔一舉奪得影帝，當時更公開在台上公開多謝向太。

不過華仔就沒有「找數」，向太爆料有次她去北京探班時華仔買了一條價值200元人民幣的假翡翠頸鍊送給她，之後再加送一隻限量版名錶。而向太更指當年打賭只是想激勵華仔。

其實華仔早年受訪時透露過自己成立的影視公司曾嚴重虧損欠4000萬港元，雖然自己狂簽片約籌錢，但仍欠下1500萬港元，最後他找向太借錢，對方二話不說就開支票，甚至不需要他寫借據，華仔表示：「可能嗰千五萬對向太嚟講唔係咁重要，或者可能佢唔記得咗，但係佢真係喺我最餓嘅時候，畀啖暖飯你食。」