張致恒(Steven)與老婆雯雯一直關係反覆,不時埋怨老公又嗌離婚但不久後復合,隨著早前四年抱四,兩公婆最近進軍YouTube,頭兩條片就是Q&A,新片中雯雯對老公偷食、溝女等至今仍無法釋懷,又大談至今未離婚原因。其中,Steven被問到與BOYZ舊隊友關智斌(Kenny)有否機會重組,他承認希望BOYZ合體,但直認自己曾經破壞了大好機會,現時基本上99%沒可能再發生。
Steven與雯雯日前拍片被批Hea答不夠誠意後,今次二人相對認真,雯雯不時窒住老公,但Steven仍表現得忍讓。雯雯繼續埋怨Steven多件事,包括不滿他經常不沖涼、懶、做人不夠積極等。有網民她為何遲遲不離婚,雯雯表示:「其實係想離婚,但要考慮小朋友,小朋友要分開定點呢?咁所以咪仲堅持,撐到就撐。」
家事以外,Steven亦被問及與BOYZ隊友Kenny的關係,以及再組BOYZ開騷,Steven直言:「應該都唔會喇啩,呢個問題唔應該問我,係問佢,應該係問佢想唔想,我就梗係想啦,自己曾經破壞咗一個咁好嘅機會,但基本上呢件事99%冇可能再發生,所以唔緊要啦,大家想睇可以上網重溫演唱會,如果有DVD出都好,當作紀念。」雯雯就表示希望BOYZ可重組,又指能夠合體的話,將會全家總動員撐場。