AGA兩次改期紅館個唱圓滿結束　「多謝陪我走過高低起跌」

經歷過兩次改期，AGA江海迦昨晚（8月27日）舉行首個紅館演唱會尾場，多位圈中好友現身支持，包括陳慧嫻、蘇志威、Gin Lee李幸倪、洪嘉豪、JW王灝兒、鄭融、陳健安、Kendy孫曉賢、鄧小巧、方皓玟、吳林峰、張蔓姿，及同門師弟：Yan Ting周殷廷、Phoebus＠P1X3L、JNYBeatz等。

AGA身穿紅色皮褸，配搭200萬針刺繡與珠片浮世繪風格舞衣登場，大騷長腿配以勁歌熱舞揭開序幕，一口氣唱出《Count to Ten》、《MAD》及《MIZU》。AGA全晚共有9個造型，配合歌曲氣氛及主題，其中暗黑型格的皮褸造型更騷出馬甲線纖腰。

演唱會上演唱的所有歌曲都是由AGA作曲，她很高興能夠將所有作品呈現給一直支持的樂迷。到演唱會中段，AGA跟觀眾打招呼：「我終於企喺呢個舞台上面喇！唔講唔知，開紅館第一日好夢幻，第二日仲夢幻，多謝每一位入場支持嘅你哋！」

尾場有側田擔任神秘嘉賓與AGA傾力合唱《命硬》，兩人早於AGA入行前已認識，側田說：「好戥你開心，so proud of you！」AGA憶述當時情景：「當時跟Ted Lo上堂，佢問我『識唔識呢個圈嘅人』，我話『唔識喎』，佢就帶我去可以一間free jam嘅酒吧，認識到陳杰Chris Polanco，又同你jam歌，原來香港樂壇咁好玩！」

側田又大爆：「其實我本應係我同你合唱《一加一》㗎嘛，不過又冇理由喺你主場同你合唱完，之後你又唱一次㗎嘛，下次我開騷同你唱！」AGA二話不說答應：「好！」然後側田唱出《情歌》，全場大合唱，氣氛熱烈。

到encore部份，AGA唱出《無期》、《一》及《Tonight》，她藉此機會感謝相識15年，一路提拔栽培自己的監製舒文，以及樂迷多年來一直支持，她感動落淚說：「好多謝你哋陪我經歷咁多年嘅高低起跌。」然後自彈自唱出《Tomorrow》，她說：「記唔記得我話過有一首歌未拍MV？依家同你哋一齊拍！」唱畢，她問現場觀眾：「仲有咩歌想聽呀？好！ONEDERFUL LIVE，《Wonderful U》！」然後唱出《Wonderful U》及《See You Next Time》，AGA興奮說：「原來真係會唔捨得㗎！See You Next Time！」

完騷後AGA到後台進行祝酒儀式，她表示：「個感覺真係好夢幻！我忍咗口好耐，依家好想食薯條，好多謝屋企人專登飛返嚟香港，呢段時間佢哋畀咗好多支持我。今晚我好努力忍住唔喊㗎喇！好感動經過5年籌備，所有樂手、工作人員都好幫忙，最後嘅都係值得，係一個里程碑！」