蘇雅琳（Ivy So@COLLAR）與黃浚銘（Boris）、黎展峯（Andy）和歐鎮灝（George）等人合演的ViuTV原創劇《飛黃騰達》正在播映中。Ivy So指同劇演員經常「搞爛Gag」，令她完全不能理解。
Ivy So表示：「想去平機會投訴班仔，佢地成日講嗰啲笑話好無聊又鍾意食字，9成時間都唔係好好笑。最接受唔到Andy嘅Gag，覺得佢心智年齡好似得4歲咁呀」，又開玩笑指他們需要檢討下。
面對Ivy So的「投訴」，Boris笑言「冇當Ivy係女仔」，又爆Ivy曾經試過在廁所門口埋伏嚇他們。而Andy就表示純粹相處得太融洽。
黎展峯透露，Ivy So有感自己被當成男生看待：「我哋幾個私底下嘅關係好似兄弟咁，相處得好舒服。其實佢唔算麻甩，可能有時我哋傾偈，都會用返男仔嘅語氣同Ivy講嘢，所以佢就覺得好似成個氛圍就係得男仔傾偈咁。」