尾二一集ViuTV《導演門2》昨日播出，嘉賓為莊文強導演與游乃海編劇。
節目尾段游乃海開始分享《命案》比較後的部分，亦即林家棟與楊樂文的天台戲，當中林家棟因為要開始演繹精神病的狀態，游乃海形容林家棟的演法都有好幾種，例如亢奮丶憤怒或是輕聲到好像木僵的演繹。不過因為游乃海一度構思錯誤，故此天台戲需要補拍才出現公映的版本。有入場觀眾都應該記得林家棟的演繹，不過這種演繹原來曾經令林家棟失聲，甚至虛脫，要休息幾日再重頭拍攝。
天台戲之後，便進入林家棟與楊樂文一同走入精神病院的一場戲，最後就以楊樂文走向陽光完結電影。游乃海表示當初的結局並非如此，並解釋自己版本的結局︰「喺個花園到，Lokman同阿家棟坐咗係到望住個盆…個個果，家棟就鼓勵佢『加油呀，唔好輸。』跟住Lokman好乖咁點頭，咁跟住家棟就攞咗把膠刀出嚟跟住同佢講︰『喂我偷㗎，殺人呀。』咁樣同Lokman講咗句咁嘅嘢，啫係個個鬼就仲係家棟身上，佢真係仲係痴線嘅。」
游乃海續指監製杜琪峯看過之後就鬧到七彩︰「我咁辛苦睇咗個幾鐘，我要睇佢地點樣奮鬥，點樣去克服呢樣嘢，去勵志呢件事，你最後比個咁嘅Ending我？」杜琪峯希望《命案》的結局比較光明，故此就出現公映的版本。
重看關於《命案》的討論都依然充滿趣味，尤其林家棟與楊樂文都雙雙都交出最好的表現，但港版竟然至今仍未有推出實體碟的計劃，希望藉節目播出再向 @goldenscenehk 表示，記得出碟。
▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D
留言 0