（獨媒報導）陳朗昇今晚離港赴英，參加牛津大學路透研究所的學人計劃，不少親友到場送機。他在登機前表示，期待在牛津與各地行家交流，以應對香港的複雜環境，而自己也會按計劃在半年後回港，「我哋始終係香港嘅記者，都係要留喺香港，繼續報導真相同事實」。
晚上6時許，陳朗昇向眾人多次揮手道別後，便轉身入閘，惟在場親友未有離開，緊張地靠在閘前留意他能否順利出境。直至他成功通過海關檢查及E道後，眾人才齊聲鬆一口氣，有人高興道「得咗啦、得咗啦」。
哽咽盼傳媒多報導記協工作
今年41歲的陳朗昇現為記協主席及《Channel C》副採訪主任。在本月初，他採訪朗屏邨法團大會時曾被控阻差辦公，獲准以現金2萬元保釋，抵英後須告知警方地址及電話。案件將於明年5月開審。
他今日行程緊湊，中午先到九龍城裁判法院接受去年駕車衝紅燈一案的裁決，被判罪成並罰款2,000元。至下午5時許，他在親友陪同下抵達機場，將到曼谷轉機至倫敦。
陳朗昇向記者表示，事緣去年12月《立場新聞》停運後，忽然無事可做，便向牛津大學申請計劃，「今日係悲喜交集嘅，開心嘅係咁多行家、咁多朋友親戚嚟送我機，大家都好想我去到英國」，惟說到此一度哽咽，「但令我更加想嘅係，過去一年記協嘅工作、喺新聞自由上嘅發聲，希望傳媒係多啲報導」。
稱赴英後如實講述香港情況
他稱期待在牛津與世界各地的行家交流，以應對香港複雜多變的環境，而自己也會按計劃在半年後回港，「我哋始終係香港嘅記者，都係要留喺香港，繼續報導真相同事實」。
陳又指，赴英後也會如實講述香港情況，「咁當然有顧忌、有考慮啦，坦白講，因為我係要返嚟嘅」，並同意自己不會在英國有「完整嘅自由」。陳透露，未來每周有四至五日要上學，相當忙碌，但也會抽空做《Channel C》的採訪工作。
《獨媒》記者問道會最掛念香港什麼，他答道最掛念太太，「十幾年都未試過自己一個遠遊」，又指聽說不少點心師傅已經移英，相信容易適應英國生活，笑言「你估淨係食薯仔咩，其實食薯仔我都OK㗎」。
將以視像形式出席記協會議
陳朗昇形容道，記協主席去讀書一事成為新聞是「有趣又無言嘅情況」，指這本應是一件平常事，如今卻備受關注，甚至有人認為他是「著草」，嘆道只能以平常心面對謠言。他續指，自己將以視像形式出席記協的會議，而香港事務則交由在港同工處理。
他在排隊辦理登機手續時與記者聊道，行李以衣物為主，包括足球衫及西裝，另有數百顆糖尿病藥。他計劃在到埗倫敦後，先留兩日與舊同學相聚，並想入場睇英超，周日再啟程到牛津，下周一便開學。不過，他仍未訂好牛津的住宿，「因為我唔知自己去唔去到，當我好安全地去到曼谷轉機時再揾啦」。
親友緊張目睹過關一刻 齊鬆一口氣
至傍晚6時10分，陳朗昇多次向在場眾人道別後，隨即入閘，惟在場親友及記者均未有離開，全程靠在閘前目睹陳的每一步，有人神情緊張。直至陳朗昇順利通過海關檢查及E道後，眾人才齊聲鬆一口氣，亦有人高興道「得咗啦、得咗啦」。
