皮膚過敏│女藝人周秀娜（娜姐）近日受皮膚敏感困擾，頸部、胸口和手腳生滿紅色粒粒。日前在社交平台上發文交代病況，表示因為全身敏感，曾三度求醫，但情況未有好轉，「全身痕到瞓唔到」，打針兼服用類固醇後情況仍無改善。
皮膚過敏│周秀娜皮膚敏感全身生滿粒粒
周秀娜日前在IG限時動態上發文自揭皮膚敏感嚴重，在胸口、頸部、手腳四肢位置都生滿紅點和粒粒。上星期因為敏感已三度求醫，但因為拍攝環境污糟，加上出汗「腌住」敏感地方，於是收工後立即再看醫生，食抗敏藥、搽藥膏後，兩日已見好轉，繼續開工。
3度求醫食類固醇仍無效！
不過上星期五（15日）穿上一套由「頭包到落腳」的戲服後，皮膚焗住又出汗，令生滿敏感粒粒的位置情況再變差，因此全身仍一直痕癢難耐，而今次連打針食藥都沒有幫助，「第日起身即刻去睇醫生，同一隻抗敏藥同一隻藥膏加大藥效，都係冇用夜晚再去睇多次醫生，打咗支針再食埋類固醇，不過今日起身依然都係咁！」。她又再發限時動態表示無奈，「講咗咁多總結，病都要合時，公眾假期冇專科」。皮膚過敏是由致敏原導致，如塵蟎、花粉、霉菌，致敏原會令身體產生免疫反應，出現的部位則沒有特別規律，與換季無太大關係。皮膚過敏的患者，或需服用抗組織胺的口服藥等治療。
留言 0