彭于晏同網友私訊對話曝光　剖白被隔離心聲

台灣男神彭于晏（Eddie）近年全力於內地發展，由於疫情關係，移居上海嘅佢遇上封城要留家抗疫，佢趁住有時間就「廚神」上身煮嘢食，仲喺社交網同網友開心Share成果，睇到佢煮出嚟嘅餸賣相當唔錯，隔住個Mon都聞到香呀！而佢食咁多嘢都唔肥，當然有Keep住做運動操Fit啦，佢喺呢段時間一啲都冇鬆懈㗎，密密做Gym保持最佳狀態。

不過被困喺屋企咁耐，始終都會悶嘅，佢被發現經常喺社交網回覆網民私訊，好似佢會幫女網友揀着咩衫，仲幫手揀埋襯咩唇膏，冧暈唔少女網友，被讚係個超級暖男！而佢喺一堆回覆網友嘅私訊中，亦透露咗自己喺呢段被隔離時間嘅心聲，佢話密密回覆網友嘅原因：「我只是太無聊！」即引起網民熱議，唔少網友都話好同情佢，仲講笑話「再隔離下去，彭于晏要網戀了。」

東網網站 : https://on.cc/東網Facebook專頁 : https://www.facebook.com/onccnews/