MIRROR成員李駿傑(Jeremy)推出今年情歌三部曲,來到最後一首〈獨角獸之戀〉,他再次參與作曲部份,與吳林峰聯手打造這首情歌,同時也是送給Unicorn的作品。
Jeremy今年特別推出愛情三部曲,最後一首〈獨角獸之戀〉參與作曲的部份。「今次風格變做一個我自己未嘗試過嘅輕快、R&B歌曲,係因為想今年三部曲有個好好嘅完結。一段感情當然希望開開心心繼續落去,甚至白頭到老,創作嘅時候寫咗一啲開心嘅Melody,覺得好啱作為呢個三部曲嘅完結,後來覺得好似諗唔到更好嘅Verse以及其他部份,就問吳林峰可唔可以幫手寫,諗唔到啊!佢好好人就幫我完成呢次創作。」
一看歌名,相信大家都會想到Jeremy的粉絲「Unicorn」。Jeremy坦言,製作之初並未打算寫獨角獸,而是一心想做一首很完美戀愛感覺、開心甜蜜的情歌,但後來覺得可以一曲二用。「今次獨角獸做主題,唔係真係為咗Unicorn而寫,本身係諗住寫好完美嘅三部曲Ending,後來覺得可以以呢首可以表面係一個完美的愛情結局,但同時亦係對Unicorn感謝嘅歌,同埋本身首歌係諗住叫〈U And I〉,但填詞人Oscar一開始就俾咗〈獨角獸之戀〉呢個option我,又覺得呢個名幾特別又容易記,所以就用咗呢個歌名。」
繼〈You First〉及〈Fever〉後,Jeremy今次〈獨角獸之戀〉再次選擇在台灣拍攝。「喺我腦海入面,覺得台灣係一個好啱拍拖嘅地方,可能因為自己睇好多台劇長大,好多好浪漫感覺喺台劇入面吸取返嚟。〈獨角獸之戀〉嘅氛圍好適合喺台灣拍攝,所以再一次去咗台灣。另外,喺MV入面嘅景,如果喺台灣拍就會多啲選擇,因為台灣地方大啲,多啲大自然嘅地方,安排拍攝行程上都方便啲。」
留言 1
Like
佢好樣衰🙄
2023年12月22日04:29
顯示全部