【難做好人】封「無綫御用強姦犯」 李天翔嘆接戲被局限角色

【今日直擊】已離巢無綫的李天翔，今日到商台接受訪問。對於無綫推行新措施，容許簽約藝人到其他電視台亮相，他說：「咁得意？我暫時不會考慮，離開無綫不是為了上友台。」他透露早前接到監製劉家豪邀請參演《逆天奇案》，但跟已接拍的電影撞期而推掉，即使再合作都會考慮條件，「一定要價錢OK先會接拍，我要搵食。其實年前拍《解決師》已經打算離開，始終年紀已不輕，要想前途。若然我20歲會繼續留低，但我已在無綫多年，傾續約有加人工，但要簽約3年，擔心3年後事業未有起色，又要再跳出來做新人；若然娛樂圈不再容納我，就要轉行，不如早一點決定」。

李天翔無悔在無綫的日子，曾靠兒童節目賺過錢，也獲得無綫「御用強姦犯」和「反派王」稱號，「不過現在接戲仍然局限角色，冇人搵我做好人，我都好想拍恐怖片，因為自己好鍾意睇這題材」。

（即時娛樂）