請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

疫境開工不足要自強!MIRROR、ERROR成員創自家潮牌

娛樂 on LINE 更新於 2020年07月24日10:11 • 發布於 2020年07月24日10:11 • 機

 

193@ERROR(左一)、Tiger(左二) 和Ian@MIRROR(右二)及保錡@ERROR(右一)都創立自家時裝品牌。

組合MIRROR及ERROR自出道以來吸納大批粉絲,當中Ian及Tiger@MIRROR、193及保錡@ERROR忙於發展演藝事業外,更創立自家時裝品牌做老闆,在疫情下另覓出路。

Ian近日正式推出自家時裝品牌iNDIPANDANT。

Ian早前忙於拍攝ViuTV電視劇《男排女將》,同時又要準備即將推出的新歌〈鯨落〉,但他仍抽空創立自家時裝品牌iNDIPANDANT。「呢排因為疫情關係多咗喺屋企,同時亦多咗時間了解自己,發現由細到大都好鍾意時裝,以前中學冇乜零用錢,為咗搵外快,就喺日本網站bid啲潮流品牌服飾返嚟再賣出去,嗰陣好興日牌,所以都賺到啲外快。」年少時的經驗令Ian靈機一觸,決定創立iNDIPANDANT,所有產品均是由Ian親自設計。「我推出的產品都由好多拼布,再結合唔同嘅嘢變做一件item。每塊布每件產品都係獨一無二,但將好多件獨一無二嘅產品放埋一齊,就會得到更加獨一無二嘅靚,成為令人值得欣賞嘅地方,品牌名字iNDIPANDANT嘅由來,就係想帶出呢種美。」

          在 Instagram 查看這則帖子                  

- “iNDIPANDANT 010” Short sleeve t-shirt TEE-010 Pants PNT-010 Tote bag BAG-010

iNDIPANDANT(@indipandant.official)分享的帖子 於 PDT 2020 年 7月 月 11 日 4:48 上午 發佈

品牌於昨日(7月23日)正式推出,在第三波疫情下開網店,Ian未有擔心過:「疫市開網店反而仲好,大家唔敢出街留喺屋企,反而多咗上網,喺網店購物意欲仲高,因為足不出戶就已經有貨可以送到屋企。」現階段Ian計劃將商品逐件推出,等大家慢慢欣賞每件產品的細緻設計 。

Tiger在家人提議下創立自家品牌Dézert。

相比起Ian,Tiger創立自家品牌Dézert是受到家人影響,因為他們都是從事製衣行業。「入行後,爸爸叫我不如試下做自己嘅品牌,反正屋企一路以來都係做緊呢樣嘢,所以就一路籌備成立Dézert。」Dézert的設計靈感來自日本時裝,全因Tiger自小已愛讀日本時裝雜誌,加上他獨愛日本風,所以品牌亦順利成章以日本風格作開端,不過Tiger補充道:「都希望Dézert 嘅風格唔會好單一,所以好多唔同嘅產品都會嘗試去做,令Dézert 做到嘅嘢闊啲,同時可以畀大家睇到Dézert 係可以做到好多唔同嘅嘢。」

          在 Instagram 查看這則帖子                  

🎞🎞 @llokmann @altonwongz #1009

Dézert(@dezert.official.yny)分享的帖子 於 PDT 2020 年 4月 月 27 日 7:36 下午 發佈

Tiger希望日後可以跟不同的品牌合作,甚至到不同的地方參展,而近日他就找了MIRROR兩位兄弟Lokman及Alton合作。「兩位兄弟加入後,希望可以做啲街頭感覺重少少嘅產品,令Dézert 更加豐富。」面對疫情,Tiger坦言在逆市中會影響外界消費的心態,但更大影響是生產線。「原本我哋嘅目標係希望品牌每個月都有少少新款出,但廠房都因為安全理由開唔到工,大概停咗一個至兩個月,所以喺疫情底下就唯有停一停,喺呢段時間我就計劃下今年Fall Winter嘅方向。」

193的品牌名字LILABOC是來自電影《阿甘正傳》中的金句。

ERROR的193入行前已在時裝界打滾差不多6年,所以推出品牌很有自己的想法,就以品牌名字LILABOC為例,其實是來自經典電影《阿甘正傳》中的金句:Life is like a box of chocolate的簡寫。「這句話的下一句是:You never know what you’re gonna get,呢句說話係話,人生好似你開咗一盒高級朱古力,裡面有好多味道,但每次你都唔知自己攞咗乜嘢味、乜嘢形狀,就好似人生咁,可能係好甜或者好苦都唔定。呢個好似我嘅諗法,所以我揀咗呢句說話嘅簡寫做品牌名字。」193甚至將品牌的logo都以電影的經典畫面呈現,不過阿甘的樣貌,就變成他最愛畫的火柴人。

          在 Instagram 查看這則帖子                  

LILABOC khaki logo vest HKD $319 @deniskwok193 #花姐error遊2

LILABOC(@lilaboc193)分享的帖子 於 PDT 2019 年 6月 月 10 日 1:32 上午 發佈

LILABOC推出約一年,當中8成是女顧客。入行前主力做女裝的193很熟悉這班女性消費群,所以產品都針對他們而開發。不過由去年Talk Show《人到中年口不擇言》道歉招待會2019,到之後參與《花姐Error遊》、《娛樂風雲》、《Error自救TV》等綜藝節目及電視劇,193一直忙過不停,未能全程投入時裝生意裡面,最近終於空閒一點,未來數月他將會聚焦在時裝事業,設計更多新產品。

保錡的自家品牌Øbeginning1,原來都跟創作有關。

熱愛創作的保錡,除了ERROR的工作外,又以獨立唱作歌手身份推出歌曲,此外他亦有成立自家品牌Øbeginning1,原來品牌名字都跟創作有關。「Øbeginning1代表著品牌由冇變有、0變1呢個過程,當中有無限嘅可能性,而品牌名字就展示咗呢個創作過程。」相比起設計為先,保錡推出的產品其實更隱藏著他的演藝歷程與回憶,他說:「我想喺產品上記低屬於自己嘅回憶,譬如我講過嘅嘢,或者我作過嘅歌,每件衫都有個意思,都有自己嘅回憶喺入面。」三線同時發展,保錡坦言全部事情都靠自己一雙手去做,時間不夠,就惟有早點起身,瞓少一點,也絕不假手於人。

          在 Instagram 查看這則帖子                  

@k_p0k1 x @lewislyy PØK1 tee 正式開始發售 今次用上數碼打印 令掃描圖案更加細緻 大家可以留意圖中所有細節位 衣服質地上 更加耐用 更加通爽

Øbeginning1(@0_beginning_1)分享的帖子 於 PDT 2020 年 7月 月 9 日 3:01 上午 發佈

撰文:機