前特首梁振英昨迎來66歲生日,其寶貝女梁齊昕就非常孝順,為爸爸慶生,更在社交平台公開慶生相片及短片,沒想到就引來大批網民反應激烈,除了留言嘲諷叫齊昕買份《蘋果日報》作為禮物送給爸爸外,更有人希望梁振英長命百歲,可以見證香港有民主的一天!
雖然齊昕所公開的相片及影片入面就未有見她入鏡,不過就見到家人為梁振英準備了一整枱食物慶生,更有足足三個生日蛋糕,而梁振英亦一面笑容切蛋糕,氣氛溫馨。不過慶生相片及影片公開後,就引來大批網民湧入留言,有人嘲諷將三個蛋糕打橫放尤如祭品一樣,又留言「插三支蠟燭慶祝」,另外亦有人表示:「支持蘋果日報」、「送689份蘋果畀daddy賀賀佢」、「一路好走,食埋蛋糕好上路喇」,及祝梁振英長命百歲,希望他可以見證香港有民主的一日。