今年28歲嘅藝人陳嘉寶（Anjaylia）今日透過社交網站承認有咗BB。
陳嘉寳Anjaylia chan（@anjaylia）分享的貼文 於 PDT 2018 年 9月 月 11 日 下午 10:21 張貼
佢上載咗一張同老公嘅合照，並表示感謝大家嘅祝福：「最近我身邊的朋友都在說我很奇怪，問我為甚麼做了運動之後手腳和臉瘦了這麼多，肚子的肉肉卻好像不減反增…現在謎底要給解開了！因為那不是單純的肉肉啊！那可是一個寶寶呀！哈哈……感謝神的賜予，也要特別感謝我身邊的小天使們在過去半年來貼心的守護，謝謝你們時刻緊盯並照顧着我這個不羈大頭愛自由的人。我會繼續好好努力做好自己，不管是鏡頭前後的那一個身份，都會繼續盡善盡美。謝謝大家對我們的祝福，若果未能一一回覆，請多多包涵。願主祝福各位。」
前邦民女郎陳嘉寶舊年十一月同富二代兼滑水健將黃頌祈結婚，唔夠1年時間，就成功「造人」！
早前有街坊喺銅鑼灣鬧市，見到Anjaylia著住鬆身Ｔ恤shopping，一向手腳好幼嘅佢，比人留意到佢嗰日手腳有啲水腫，肚凸凸，孕味濃，估計懷孕超過三個月。講到今日佢喺Instagram發長文，表示多謝身邊嘅小天使喺過去半年嘅甜心守護。
即係佢係陀住BB出席陳凱琳婚禮～BB依家有機會已經6個月大，過多3個月左右就生得啦！恭喜晒！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0