（獨媒報導）隨着大部分社交距離措施放寬，「安心出行」手機應用程式日前停止運作更新。科技創新界立法會議員邱達根在一個電台節目表示可惜，指「安心出行」用戶逾580萬，以數百元一個客戶計算，商業價值逾20億元。
創新科技及工業局局長孫東昨形容，安心出行停運代表「一個時代的結束」。邱達根今早在港台節目稱，對安心出行停運感到可惜，指「安心」為政府歷來最多人下載的手機應用程式，下載次數達900多萬，獨立用戶更逾580萬，為滲透率非常高的手機應用程式。
兩度指可惜 邱達根：真係一個好難得嘅App 嚟
本身是創科投資者的邱達根，在節目中兩次表示可惜：「都唔少啲創業公司呀，我哋覺得有啲後生仔，寫啲App之前喺啲唔同用途度，佢哋嚟攞投資呢，佢有10萬、8萬個download 佢都好開心㗎啦。講緊900幾萬呢，仲要淨係喺香港呢個地方，真係一個好難得嘅一個App 嚟。」
他分析指，安心出行商業價值或高達億20億元，指現時業界會「俾錢買客」，以數百元一名顧客計算：「你計計條數啦，你唔好當900幾萬（下載），你當500幾萬單一用戶，500幾萬乘返幾百蚊一個，隨時App 嘅商業價值都值二、三十億。」
倡加設支付功能 租用運動場所、泊車位
邱達根建議，安心出行可加設支付功能，用作市政管理，包括在運動場所加設智慧門鎖，只要掃描門外二維碼，便可預約租用運動場所，並可以政府停車場租用車位：「每個位收唔同錢都得呀！我個位靚啲，三十蚊個鐘！我角落頭收你廿蚊個鐘！」
至於政府現時的「智方便+」手機應用程式，邱達根則認為，該程式只有數十萬名已登記的用戶，難以追上安心出行的900多萬：「嗰個過程你咪又要洗錢囉，派啲人落街教人哋用，教人哋再下載。無話做唔到嘅，都係嗰句，我覺得嘥同可惜囉。」孫東昨日出席立法會時，曾稱「智方便+」登記用戶逾170萬。
