何慈茵自爆曾打到視網膜穿窿兼面癱

《飛虎3壯志英雄》劇情緊湊，飾演沛國流亡公主Renee的何慈茵表現，更獲觀眾讚賞，其中一集，她目擊哥哥被射殺，淚崩抱着哥哥訴說當年情，相當催淚，因而感動不少觀眾。

除了喊戲感人，最令觀眾留下深刻印象，定必是多場動作戲，其拚命演出獲網友封為「超班打女」，不過，打女之路其實一點也不易行，過去因為拍攝動作戲已搞到周身傷的慈茵，於《飛虎3》一場與苗僑偉槍戰戲，意外被反應彈的碎片擊中眼白，導致眼白受損兼爆微絲血管，狀甚駭人！但慈茵當時仍想繼續拍攝，她受訪時表示：「導演嗌Cut機之後，大家見到我咁都好緊張同擔心，我記得我仲同導演講話冇問題，因為我平時打拳都成日打到爆微絲血管。但後嚟現場救護員檢查完之後，話我眼白表面損咗仲流緊血，傷勢可大可小，就叫我快啲去醫院檢查，好彩都唔係好大件事。」

平時有打開拳賽的她，續指早已做好心理準備拍動作戲會受傷：「我知道受傷時最重要係保持鎮定。我以前打拳都成日受傷，記得最嚴重嗰次係打到視網膜穿咗窿，要做手術補番；另外我都試過畀人打傷塊面嘅三叉神經，搞到塊面麻痹咗半年。」

東網網站 : https://on.cc/東網Facebook專頁 : https://www.facebook.com/onccnews/