1.近期男神殺手，一定係由香港紅到去台灣再紅返嚟香港嘅劉俊謙。佢自出演《九龍城寨之圍城 》入面、打得又睇得、又義氣又夠雷嘅信一，人氣急升兼被網民封為「 國民老公 」，相信「劉太」人數就快超越彭太（ 彭于晏 ）！
2.劉俊謙身兼電影、電視同舞台劇演員，佢由2019年ViuTV劇集《教束 》嘅「盧Sir」開始累積人氣，緊接主演電影《幻愛 》成為最佳新演員。事業有起色同時，同戲中女主角蔡思韵 撻著，戲裏戲外Sweet爆！
3.仲要熱愛運動、又跳開現代舞，連台灣天后小S徐熙娣 都多次當眾示愛！近排二人香港合體，劉俊謙當街挑逗小S敏感帶（下巴啫唔好諗歪），小S仲話「很久沒那麼害羞過了！」
4.佢嘅眼神先係最攞命！兩年前佢喺《梅艷芳 》戲內飾演哥哥張國榮，雖然都有批評話佢唔夠似，而劉俊謙當時解釋電影中佢係演繹較早期嘅哥哥，加埋戲內神還原舞台造型，佢嘅神韻都帶有幾分哥哥嘅風采㗎！
5.係香港唔算無人識但又唔係爆紅，點知台灣女先識貨。講真正爆紅喺舊年出演台灣Netflix愛情影集《此時此刻 》，飾演聽障人士，雖然普通話普普通通，但演技及俊秀外型搭夠，俘虜台灣女fans嘅心，仲話佢係港版坂口健太郎 ！
6 不過咁，當紅之際佢反而倒轉走返去出演偶像BL 劇《我在這裡等你》，劇中爆出多款純純愛 姿態，擺明想攻陷年輕少女（及少男），但電影劇本被指相當麻麻，劉演技再好也難救！以往劉俊謙都不顧形象，演出破格的角色，希望他不要走回偶像路線吸納fans，我們期待他的神演出走向影帝之路！
▼Follow 娛頭
Facebook: https://www.facebook.com/profile.php?id=61554772610166
留言 0