蘇志威、劉小慧大女為容祖兒慶生　合照曝光餅印媽咪靚樣

蘇志威和劉小慧結婚27年，大女Yumi都已經25歲。早前她就為偶像容祖兒慶祝生日，曾赴日本學藝製作甜品的Yumi更親自整蛋糕，而容祖兒亦有分享合照留言：「多謝蘇志威生了一個咁乖乖嘅女兒。」

其實Yumi雖然年紀輕輕，但其實已經開了一間餅店，而且有開班教製作甜品。Yumi早前亦再貼和容祖兒合照留言：「要將呢一晚記錄在案💛。咁多年話整話整，都未送真係到過蛋糕俾你，今年終於有機會！」更爆容祖兒有點醉酒：「我本身諗住噚晚會影好多相嘅，奈何這位女士話咁快就醉醉地，黑圖就有幾張不過就唔同大家分享啦！好彩嘅係醉醉地之下都唱返首《九秒九》，live就是好聽，我都可能飲咗兩杯就壯膽，喺原唱同MV主角面前唱《鏡子說》，哈哈，不過能夠同我偶像一齊唱歌真係開心。」
有網民指Yumi靚樣餅印媽咪劉小慧，其實之前趁母親節，她亦有Cos劉小慧在《超級學校霸王》中的校服造型作對比。