衛詩雅過大禮超豪華誇張　6對龍鳳鈪配墜手金豬頸鏈

衛詩雅（Michelle）近月來人氣當旺，主演的《破．地獄》狂破紀錄，她亦不斷到海外出席影展宣傳，早前更獲得第61屆亞太影展最佳女主角，榮升影后。早前她宣布將於2月跟圈外醫美男友Kenley周祉安結婚，近日終於有時間籌備婚禮，今日（9日）正式過大禮，排場非常大陣仗，鮑蔘翅肚和中式禮餅放滿地，又有金器大晒冷，認真誇張！

衛詩雅罕有公開與未婚夫的合照，由於過大禮的物品超多，二人企到好後才見盡全部，因此相中的衛詩雅非常細粒。從相中所見，共有至少6對龍鳳鈪、龍鳳金頸鏈和金豬頸鏈，認真誇張。Michelle亦跟足傳統將超墜手的金豬牌頸鏈戴上，寓意兒孫滿堂。

除了各式各樣的金器，另外還有不同的海味籃、水果籃、椰子籃及喜餅等，Michelle亦逐批逐批影相留下紀錄，她寫道：「原來過大禮係咁嘅感覺㗎。」她又hashtag「終於有時間搞吓結婚嘢」、「船到橋頭自然直」、「多謝整個過大禮團隊」。英皇藝人管理部總監霍汶希（Mani）都有留言祝賀指：「英皇又嫁女啦，喜事重重。」