車Cam直擊：昂船洲電單車迴旋處自炒　地面滿布油漬肇禍

網民今日(14日)上載一條交通意外「車Cam」片，顯示於下午5時16分，一輛電單車駛入昂船洲昂運路近八號貨櫃碼頭一迴旋處時，鐵騎士疑發現地面有大量油漬，轉右彎時刻意將車收慢，惟最終仍跣胎「炒車」跌在地上，電單車橫亘路中。

適時後方一輛泥頭車駛至，司機見狀亦立即煞車，由於地面油漬影響，泥頭車亦跣胎衝前數米才停下，與鐵騎士擦身而過，再慢慢駛過電單車。而鐵騎士自行起身，並將電單車扶正，影片亦到此結束。

有網民留言，指上址附近有非法油站，懷疑地面油漬因此而起，「成條路都係加油站黎(嚟)」、「泥鬼(泥頭車)都跣呔(胎)」、「嗰度個個迴旋處都好危險，小心為上」。

東網網站 : https://on.cc/東網Facebook專頁 : https://www.facebook.com/onccnews/