張敬軒由今晚（10日）至本月29日，舉行紅館演唱會補場，指定場次觀眾可持舊有門票睇騷。
軒仔今早在Instagram貼片，並有感而發寫道：「新常態嘅出現，令到生活當中嘅計劃好多時候都會被打亂，好多嘢都唔可以完美咁發生。當刻可能會不知所措，甚至會有各種情緒嘅出現。到個人定返，就要重新整理好自己，再向下一個目標同階段進發。
呢一個融滙咗整個團隊心血嘅舞台，四個月前因為疫情而需要拆卸，今晚又因為我哋彼此嘅約定同相互支持而重新建成。
千言萬語都盡化作今晚嘅每一首歌，獻俾你，多謝你嘅支持；亦都送俾自己，提醒自己珍惜每個當下，把握好每個機會。各位今晚見﹗一切榮耀頌讚，歸於三一真神﹗」
（即時娛樂）
