張敬軒於一月初在紅館舉行THE NEXT 20演唱會因疫情暫停，隨防疫措施放寬，今晚在紅館補場，並緊守現行防疫措施安排五成觀眾入座。軒仔於一遍歡呼聲中出場，唱畢《Do What You Want》及《騷靈情歌》後，他向四面觀眾深深鞠躬致謝：「多謝大家！歡迎大家返嚟第十一場『張敬軒THE NEXT 20演唱會』！」他笑言：「之前諗住做五場休兩日，好開心啦！點知今次做十場休咗四個月呀！多謝每一位觀眾朋友咁支持我，多謝大家。今晚得五成觀眾，但係已經係呢個時侯嘅full house ！真係百感交雜！呢四個月發生好多事，我哋身邊，我哋香港都係。大家可以再坐返係呢度，我要懷住好感恩的心去努力唱好今晚每一首歌，我決定呢十六場演唱會，每一場都當尾場咁做。我唔係講笑，話你聽，今晚有兩個嘉賓！」觀眾聽到隨即起哄，軒仔就無奈笑謂：「我覺得好灰，大家唔係來睇我咩？所有親友都係問，我嗰晚有咩嘉賓？我咪係你個嘉賓囉！」
接着軒仔發現有歌迷高舉一個很閃的紙紮牌，便指着對方說：「又係你呀！呢位朋友每次整啲好配合紅磡主題的燈牌畀我！我想問中間識閃嗰嚿黃色係咩？鐘？你送個鐘畀我？紙紮鐘？你真係好嘢！仲要剛好12個字係我扮 MIRROR個樣！就憑你呢份創意，我真係要回返個禮畀你，就係我私人家屬票，送兩張尾場山頂位畀你！工作人員幫我mark一mark呢個老兄，佢個牌，幫我化咗佢得啦。你一陣睇完騷去玻璃門等，其他附近地方啲門你都咪隨意入！真係大吉利是，紙紮禮物一年收一次夠啦，百無禁忌！」引得觀眾大笑，好多歌迷都開心大叫：「我又要禮物！」今晚捧軒仔場的嘉賓包括泳兒、楊天宇、吳浩康、艾妮、劉若寶，郭思，朱天，楊政龍及許佩斯。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ