台灣女星許維恩同老公王家梁成日晒恩愛，加上老公開綠燈畀老婆豪晒32C上圍，婚後住得夠豪嘅二人又成日狂騷大宅內部設計，單係馬桶已經索價13萬台幣(約港幣32,000 )，一早被網友認定係富貴夫妻。不過近日許維恩就出晒事，因為佢同好友前往台灣花蓮知名麵店朝聖時，一行人開心拍短片打卡，結果被發現佢肩上孭住嘅名牌手袋，乍看似足國際名牌，但仔細一睇，牌子竟然串錯字，疑似係A貨假嘢！
有網友就專登走去淘寶Search，意外發現30幾蚊人仔就有交易，用假貨一事更加似層層。被議論嘅佢，最後都決定跪低道歉，認衰仔話自己用A貨，不過依家唔會再用嗰個袋：「是的是的～我真的一定要跟各大家各位道歉～I’m so sorry ~~~不應該背山寨包包的～我不會再背它了～拜拜～（裏面防水～可放泳衣）對不起大家！」
東網網站 : https://on.cc/東網Facebook專頁 : https://www.facebook.com/onccnews/