【POCO F5評測】2023最高性價比手機降臨丨超低價享受準旗鑑級手機配置 丨 沉浸式手機打機體驗 丨 POCO F5 #POCO #POCOF5 #小米

又黎到Z世達人嘅時間啦~ POCO近日就舉辨左發佈會，宣佈POCO F5 同埋POCO F5 Pro 正式面世。發佈會當日仲請黎遊戲實況主黎親自試用今次嘅新機添，場面真係非常熱鬧啊
主打高性價比嘅POCO，又會喺今次嘅POCO F5系列帶左咩野驚喜比我地呢? 今日喺我手上嘅就係POCO F5，現在即刻就為大家開箱~
首先喺屏幕方面，POCO F5設有6.67 吋 FHD+ AMOLED 螢幕，支援120HZ嘅屏幕更新率。而成部電話嘅外觀同歷代嘅POCO手機都相差無幾，都係以簡約優雅嘅風格為主。
而POCO F5嘅電池就會設有5000mAH嘅大電池，支援67W快速充電，絕對應付到日常使用有餘啊
今次POCO F5處理器就採用左全球首發Snapdragon® 7+ Gen 2處理器，官方仲宣稱呢款處理器同以往嘅旗鑑級處理器Snapdragon® 8+ Gen 1嘅架構係一模一樣。
配合埋「蒸汽散熱能」技術，成部手機嘅散熱率高達35%，可以令用家喺打機嘅時候有流暢、舒適嘅沉侵式體驗
咁實際用落POCO F5嘅情況又會係點樣呢?
今次我試呢隻遊戲就係近日最熱門嘅手機遊戲，一入到GAME整體嘅感覺都好順暢。
而今次POCO F5設有「GameTubro」功能，只要入左GAME之後，往左邊屏幕輕輕一掃就會開到出黎架啦~
「GameTubro」設有手機加速、性能即時監控嘅功能，佢會好清楚顯示加速之前，同埋加速之後相差幾多嘅FPS。 咦 加速左之後嘅FPS差距真係好大啵
除左手機加速嘅功能，呢個「GameTubro」仲支援喺打機嘅時候進行雙向工作嘅功能，簡單啲黎講，即係可以一邊打機一邊搵攻略，甚至係睇電視都可以啊，真係好方便架~
而整體嘅遊戲體驗都係非常流暢，喺遊戲最高Setting嘅最情況下，開左
「GameTubro」嘅手機加速功能之後，整體FPS都好穩定，除左有時戰鬥畫面會有輕微疾一下嘅情況之外，其餘地圖行走方面嘅FPS都好穩定。
而睇片方面，無論喺睇Youtube，或者睇帶有走馬燈嘅新聞片，一樣都好順暢，過關啦~
最後喺相機方面，今次POCO 設有6400萬像素嘅主鏡頭，800萬像素嘅超廣角鏡頭、200萬像素嘅微距鏡頭，支援4K影片拍攝，內置OIS防手震功能，等我又試試效果比大家睇下~
喺天陰陰嘅情況下，POCO F5影出黎相片嘅細節保留度、物件邊緣虛化同埋相片顏色嘅處理，對於一部並唔係而相機鏡頭為主打嘅手機黎睇，絕對係收貨有餘啊~ 等我影多幾張相比大家睇睇先
POCO F5會提供三種顏色，分別係白色、藍色同埋黑色
價錢方面，12GB+256GM ROM嘅版本，建議零售價就會係$2999HKD
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~