台灣天王周杰倫趁過年前，帶埋媽咪葉惠美同老婆昆凌拜訪戰友方文山新工作室，隨即喺社交網放靚相，一係唔睇，一睇就見方文山嘅工作室勁好View，從陽台望出去，可遠眺台北101大樓、南山廣場等著名建築物，連周杰倫也稱讚：「太讚了啦！」睇嚟方文山工作室真係會成為藝人嘅打卡點。
周董又邀一班好友到陽台，以壯闊嘅夜景當背景影相，周杰倫話：「開心文山有這麼棒的工作環境，以後歌詞應該不用等太久吧！」不過五月天主音阿信看到照片，即回覆：「有可能環境愈舒服…歌詞摸愈久。」周董即回：「這個好笑！你那邊是不是也很舒服？」等於間接說阿信創作速度一樣也很慢，即令粉絲笑爆嘴！
東網網站 : https://on.cc/
東網Facebook專頁 : https://www.facebook.com/onccnews/
留言 0