今日是「年廿八」，傳統上要洗邋遢，江嘉敏今日在社交網上貼出沖泡泡浴的相片，由於她最近要配合新劇造型，因此剪了一頭短髮，難怪不少曾經與她有「過節」的網民，都留言直指：「男定女？」、「有個男人沖涼？」
View this post on Instagram
江嘉敏近月來剪了一頭短髮，一下子難以令人認得她。今日年廿八，她就在IG派發兩張福利圖，貼出浸泡泡浴照片，寫道：「年廿八，洗邋遢。我個dream house都要望住個海沖涼丫！#年廿八洗邋遢 #好耐冇放假嚕」。她的兩張出浴照，相中雙手捧著一堆泡泡時，剛好手背及手臂位置在泡泡的半遮半掩下，正正在胸前部分，驟眼以為她走光。
過去江嘉敏多次與網民罵戰，毫不留情串爆網民的留言，今次面對網民的惡言，她總算沉得住氣。不少網民留言：「仔嚟嘅？」、「短髮好難睇」「有個男人沖涼？」、「男定女？睇完真係要洗眼！」她立即回覆：「唔好畀固有嘅思想限制咗自己，現今嘅年代都冇話女仔一定要係長頭髮，男仔一定係短頭髮，着粉紅色嘅都唔一定係女仔，係唔係？放心！我Double check咗好多次，我係冇走光嘅，所以唔使擔心洗牙嘅問題。」雖然沉得住氣，但她心底裡可能還是很激動，誤把「洗眼」寫成「洗牙」，今次沒有double check了。
