歌手馮允謙（Jay）率領師弟「折骨Ben」趙祥誠及「師妹」雲浩影（Cloud）今日（28日）出席商場騷，首次現場合唱《我真的受傷了》。三人惺惺相惜，Jay打趣叫Ben教自己跳舞，Ben則大讚Jay其實有跳舞潛能，而Cloud乘機向Jay「𢱑歌」，希望對方能為自己作曲。
原來Ben今次乃首次出席這類型演出，難勉緊張到手震，而其家人包括媽咪及姐姐亦特意現身捧場，其母更化身小粉絲，在台下表現興奮。Ben笑說：「佢哋話畀我知去剪頭髮，點知原來嚟咗。本來我係唔想佢哋嚟嘅，但依家證實佢哋喺度我個心定啲。」
對於Ben表現緊張，Jay表示：「雖然我唱歌唔叻，但呢方面我可以畀少少貼士你，咁你又畀少少跳舞貼士我啦。」Ben即回：「其實我見你上次演唱會跳舞，都已經好好睇，搞到我都好想睇你跳！」
東網網站 : https://on.cc/東網Facebook專頁 : https://www.facebook.com/onccnews/