熱愛打機，特別是RPG遊戲的葉巧琳Mischa，最近將打機結合音樂，在她為期一年、結合遊戲世界的音樂企畫《The Odyssey of Freya》中，Mischa的首支新歌《人間英靈》MV親身上陣，飾演Freya一角在遊戲世界中拿起武士刀打大佬！
Mischa拍攝前特別跟一班特技演員學習揮劍、打鬥及吊威吔等動作，希望在鏡頭前能夠演得入型入格，不過要演出神髓也絕不容易，Mischa每次也弄得周身瘀痛， Mischa說：「初練習用假劍時經常要蹲低，結果大髀勁痛。打觔斗要用到腰力，又因為未係好識用力而Chok親，不過算係肌肉疲勞，同埋老師都好好，知道邊啲位會容易整親、壓到啲肉，都會特登將護墊攝喺威吔會束住嘅位置，撞瘀？平時運動都會有少少嘅傷啦！而且我嘅興奮大過晒所有嘅痛楚！」Mischa透露，接下來推出的歌曲MV將不乏動作場面，她坦言要一直保持狀態，才能連戲，所以會Keep住練功。令她開心的是《人間英靈》推出後，Fans反應熱烈，之前推出100隻實體碟火速售罄，日前再加印100隻，Mischa更親自落鋪上架！
