向有「地獄黑仔王」之稱的張振朗再獻新猷，曾「中頭傷」被扑傷入院的張振朗，今天（28日）在社交網自爆倒楣事，他趁放假期間駕駛電單車外出，途中竟然「遇襲」並搞到入院收場，他在社交網貼相，他的頸部明顯又紅又腫，他寫道：「第一件事我嚟緊會買六合彩，見咁耐冇揸過電單車，咪揸下囉，係公路上見到有石仔飛埋條頸到，咪撥開去囉，撥開之後條頸有啲刺痛咪停車囉，之後見到咁樣…我估…個粒唔係石仔…係蜜蜂…之後我去咗醫院….睇嚟我都係唔適合放假…by the way，我係咪好低能？」朱敏瀚留言：「蚊赧啫﹗」
（即時娛樂）
