【獨媒報導】保安局局長鄧炳強在新城電台一個訪問談及2019年反修例事件，並非有人所稱的「警民衝突」，而是一場「顏色革命」。他稱警民「憑住良心」止暴制亂，但遭欲推翻香港政權的人利用假新聞及假消息抹黑。鄧炳強又指抹黑是「顏色革命」重要元素，「教你點做顏色革命嘅書都有講」，他叫市民認清和理解反修例事件「本質」。
對於假消息假新聞立法，鄧炳強未提及時間表，但一如以往重申有立法需要。他指反修例事件期間，有人利用假消息煽動市民憎恨政府，例如「講到831死好多人啊，一車一車人運上內地啊，成海都係浮屍啊，沙嶺死果啲全部都係政府殺市民啊」，再經報章報導後，「啲人以為係真㗎嘛，導致市民憎恨政府」，指行為威脅到國家安全。
防暴警向記者背射海線彈「無法證實」 鄧：尊重監警會
反修例運動期間，一名商台記者採訪時遭防暴警驅趕，轉身離開時被警員從後射海綿彈擊中，記者事後循投訴課追究，開槍警遭警方「訓斥」。事隔近3年，警方向該記者指投訴「無法證實」，反指記者轉身逃走才致警方開槍，監警會亦通過結果。
鄧炳強被問及事件，他叫市民回想2019年社會紛亂，「周圍掟汽油彈」，警方要對付大量「暴徒」，警員不是「每一刻都做到百分百完美」。他指在投訴結果完成前，若認為有「改善空間」，他都會「訓斥」同事，目的是「等啲同事覺得『喂，呢啲嘢我哋要做好啲喎』」。對於監警會的調查結果，鄧炳強表示尊重。
糾正主持非「警民衝突」 勿美化「顏色革命」
新城節目主持問鄧炳強，反修例事件引起很多「警民衝突」，會如何形容今天警民關係。鄧炳強嚴詞澄清「唔係警民衝突」，警方執法是「保護市民；千祈唔好畀人用呢個字美化咗暴亂行為」。
他續指反修例事件是一場「顏色革命」、「想推翻香港政權，危害香港同國家安全」。他又謂「顏色革命一個重要元素係乜？係抹黑吖嘛」，指有人用假消息假新聞抹黑警隊，正如外國的顏色革命有人抹黑軍隊，「呢啲喺教你點做顏色革命嘅書都有講」，認為市民要理解事件「本質」。對於警隊工作，他指「其實我哋做咗好多嘢呢，係年輕人唔知㗎」，將來要「貼地」，讓年輕人明白警隊工作。
鄧指內地科技發達 自愧「坐車畀錢都唔識」
陸續有反修例案件被告服刑完畢，要重投社會，鄧炳強指懲教院所協助他們「建立正確人生觀」，又指很多人對內地不認識，以為中國仍在40年前「好落後」：「其實唔係㗎，我上到去發現自己好落後。數碼錢幣方面，坐車畀錢都唔識。」他指有公司為更生人士提供大灣區實習工作機會，很多在囚人士「都有興趣」，指他們在懲教院舍「聽過『國家發展原來咁犀利㗎』，都未有機會去睇過，好多都好願意睇吓，睇吓真正國家係點」。
版權: 禁止衍生
