伍仲衡搞壽宴被嘲「700條水魚」　公開網民頭像公審：我冇刪Post

近年因擔任《中年好聲音》評審而人氣升的本地音樂人伍仲衡，趁日前11月21日51歲生日和顏志恒舉行700人生日派對，每位收費$680。不過就引來網民留言嘲「700條水魚」。之後伍仲衡嬲爆回應，更加貼出該網民社交平台的頭像公審。

不少參加「伍仲衡顏志恒生日會」活動的粉絲都大讚玩得開心，不過就有網民留言嘲「700條水魚」。對此伍仲衡即時反擊，列出酒席及音響器材等花費：「酒席每席$6,000，租樂器音響+5人樂隊開支幾萬啦，仲有大量禮物抽獎，玩遊戲又有歌聽，每位只收$680，點水魚呀！你返火星住啦，不知所謂！生日都要開你拖！」之後更公開該網民社交平台的頭像：「真係生日都要開你拖，入嚟我度搞事？未死過！大家認住呢件物體，醜樣嘅人見得多，真係未見過連個心都咁Q醜樣，個嘴真係似水魚。You are what you said!!」雖然之後帖文被刪，不過伍仲衡就在今日表示沒有刪帖：「話我冇所謂，話我啲fans係水魚，我同你死過！我冇刪Post，係FB刪除的，理由係話我個Post可能會造成威脅，原來我這麼Lee High(厲害)。」