歌手李璧琦（Becky）前晚（8日）參與首屆《紫荊響．樂傳承》音樂會，今次是她第二次同管弦樂團合作，感覺好開心。她表示：「前晚係『女神節』，我哋6位不同年代，來自不同界別嘅女神同台演出好難得，我唱咗3首歌，同時又擔任說書人角色，穿插各位女神之間，又要唱又要演，帶觀眾進入夢境，好難忘，大家都好感動。」當中包括最年長現年96歲的江樺、網紅Hedy和視障歌手蕭凱恩等，她表示與凱恩本身相識，為她跨過身體障礙去追夢感到驕傲。
當晚主題是花，Becky特別訂造了一襲3D剪裁銀白色花花裙，低胸性感現身，對化身性感女神，她笑謂：「我嘅情人話我係佢眼中嘅女神嘅。」另外，提到新歌《向明日乾杯BeHealed》反應不俗，令她好大鼓舞，透露有製作公司邀請她合作，可望盡快有新作品面世。
東網網站 : https://on.cc/東網Facebook專頁 : https://www.facebook.com/onccnews/
