MC張天賦最近忙於宣傳與吳君如合作的電影《我談的那場戀愛》，同時亦不忘推出新歌《小心碰頭》。此曲又MC作曲，至於填詞就再次邀請到黃偉文：「《小心碰頭》呢首歌當初寫嘅原因係我覺得我嘅歌庫入面欠缺咗一首三拍嘅歌，或者六拍八（拍子）嘅歌，於是就想自己寫一首，我寫嘅 demo 詞有提及『好好記住我』、『聖誕快樂』，所以我覺得係（呢首歌）喺重要日子同某一半講嘅嘢，但未必要對方聽到嘅，最後就變咗《小心碰頭》呢首歌。」
今次MV的導演Remii黃婕妤去年已經和MC合作過《抽》及《與我無關》兩個 MV，早前Netflix的熱門影集《愛愛內含光》亦是由她所執導，今次的女主角Suri林廷憶曾獲選台北電影節非常新人，亦正參演Netflix影集。MV推出後她於網上發文表示：「謝謝MC 打起枕頭戰沒有一點點的手下留情。」可見MC一貫貪玩作風從未改變，即使面對女生亦毫不留手。
MC和女主角拍鬧交戲時原來是雞同鴨講，MC一直以廣東話與Suri爭論，而女主角一直七情上面用國語答「講中文」，然而MC最後不爭氣笑場舌戰敗陣。MC表示：「我覺得用國語去嘈交未必可以令情緒爆發到，所以我係用廣東話而佢係講國語！同埋今次有個拍攝手法係喺其他MV無出現過嘅，就係我地會喺拍攝途中突然……定格。」
今次MV造型有別於《百萬大道》的冷酷型格，戴上眼鏡的MC很有鄰家男孩的感覺，非常 boyfriend-able。原來MC的眼鏡造型並不是自己的idea，是公司的建議，但亦相信有部分fans會喜歡眼鏡造型。至於今次MＶ為何選址台北？他說：「都係公司嘅決定嚟嘅，但我覺得今次係一個非常休閒同開心嘅旅程嚟嘅，所以嚟緊都可以有多啲呢啲決定，哈哈。」
MC早前曾揚言要減肥，在台灣拍ＭＶ期間亦沒有破戒：「食嘢都唔係咩戒嚟嘅，減肥呢方面嘅進展就係大家見我包到咁實就知⋯⋯個進展非常之緩慢啦，但係就⋯⋯好快㗎啦，喺嚟緊嘅演唱會，不久嘅將來⋯⋯三五年後就可能會見到個進程⋯⋯」
留言 0