鍾嘉欣廣州演唱會唱到腳抽筋　「處女黨」好姊妹驚喜拉隊撐場

鍾嘉欣（Linda）相隔10年再開個唱，昨晚（10日）於廣州中山紀念堂舉行《Remember『記得』·鍾嘉欣演唱會2024廣州站》，一眾「處女黨」好姊妹岑麗香、李亞男、苟芸慧、王君馨及好友黎諾懿與太太李潔瑩，亦拉隊到廣州捧場。演唱會上，Linda向觀眾扔花球，唱到尾聲更出現腳抽筋，但她堅持在台上一瘸一拐唱下去，一邊唱，一邊壓腿。

事隔10年再開個唱，Linda連月來努力練歌排舞，重拾顛峰狀態，最終她在演唱會一共演繹21首歌曲，當中以《一顆不變的心》為演唱會揭開序幕，期間勁歌熱舞，掀起全場熾熱氣氛。「今次演唱會花咗好多心思，一步一步計劃出嚟，最大挑戰係跳唱環節，始終好多年冇跳舞，所以我跳出舒適圈好努力咁練習，好開心最後可以好順利完成，希望自己可以繼續做到老學到老，繼續挑戰新事物。」

唱到Encore最後一首歌時，鍾嘉欣手執花球，以婚紗造型唱出《我結婚了》，並向觀眾扔花球：「其實2015年突然結婚嘅消息，當時刺激咗好多錫我嘅人同粉絲，之後我再突然離開香港生活、生仔，好多粉絲都冇見證到我嘅婚禮，呢個環節好似之前結婚咁，分享番呢個重要時刻，而花球裡係好特別，有我寫嘅字句。」經過全晚演出，鍾嘉欣唱到尾聲出現腳抽筋，但她堅持在台上一瘸一拐唱下去，更一邊唱一邊壓腿。

Linda笑言完騷後要食好多煎炸熱氣食物：「我要食好多熱氣、好辣、好炸嘅嘢，因為呢排要好好養聲練氣，飲食上都好節制，完騷當然要食餐勁，同埋想第一時間返加拿大見我老公同啲小朋友，好掛住佢哋，我哋日日都有視像，有時短暫嘅分離，會令大家關係更加思念。」

就在這個大日子，鍾嘉欣幾位好姊妹岑麗香、王君馨、李亞男和苟芸慧都有現身捧場，眾人都看得非常感動，網民大讚這個「姊妹團」高顏值，且多年感情要好非常難得。對於她們專誠到廣州撐場，Linda大感驚喜。「唔知道佢哋會嚟，之前君馨又話要開會、亞男又話要返工，個個都好似好忙咁，佢哋突然間出現晒，好驚喜。」