請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

邱士縉發文吐苦水自認「小薯」 Edan李駿傑強尼留言鼓勵

呂爵安、張紋嘉及蔡穎恩留言安慰Stanley。(Ig截圖)
岑珈其和李駿傑都留言叫Stanley加油。(Ig截圖)
Edan日前拍攝品牌宣傳短片。(大會提供)

MIRROR成員邱士縉(Stanley)擔正ViuTV新劇《野人老師》,近日忙於拍劇的他,在社交網發文吐苦水自認「小薯」一名:「一路做,一路覺得自己做得唔好,好多地方可以做好啲!成日諗點做好啲,但又唔知咁諗咁做係咪真係啱,個感覺好似愈嚟愈亂咁。

點解啲人可以做得咁好,究竟個分別係啲咩?點樣做先可以做到?太多太多問題係個腦…我只係小薯一名,如果做得唔好就唔會有下次㗎啦。但係咁諗又好易做得唔好。其實大家明唔明我講咩,我自己都唔係好明…唯有聽日再做好啲!」

隊友呂爵安(Edan)留言安慰Stanley:「冇覺得自己做得唔好,又點會有進步呢?」李駿傑(Jeremy)也留言:「加油啦!」岑珈其亦說:「加油,會愈做愈好。」強尼表示:「明!繼續努力,因為就算你覺得今日做得好,聽日都係要繼續努力㗎啦,Right?你絕對可以,大家都知道的,相信你。」

至於Edan日前為口罩品牌拍攝全新宣傳短片,對於今次合作,Edan感興奮,並表示自品牌創立開始,便一直用他們的口罩。Edan亦欣賞品牌設計團隊,把藝術融入生活的態度。

(即時娛樂)

查看原始文章