吳若希公審老公接送女員工句句有骨！曲線呼籲全港市民幫手𥄫實老公？網民反應兩極

吳若希 Jinny 與老公何兆鴻 Alex 結婚多年，雖然經常大曬恩愛，但亦間中將家事「擺上枱」，實行網絡公審老公。最近吳若希又再出招，事源她不滿老公近日忽然很積極車女同事返工，將對話截圖放上網公審，鬧爆：「你趷起條尾，都已經知你會做咩㗎！」

昨日吳若希公開跟老公的對話，寸爆老公：「好X Sweet呀，仲可以同人一齊搭地鐵返工！」老公Alex解釋只是要對方簽MPF，又說：「我真係做嘢，我之前幾年做垃圾做唔到嘢又鬧，我而家做正經嘢都鬧。」吳若希又指：「真係好大嘅原因呀，叫佢簽MPF，就要車人返工，又要陪人搭地鐵，好X Sweet呀，你唔好俾人影X到呀！」又反問：「我自己都有公司，都有幫人哋供MPF，我依家先知原來MPF需要老闆親自攞文件畀員工簽。男人呢～就好得意嘅，身有屎嗰陣呢，就會話自己已經好多嘢煩，怪番女人唔體諒佢！」

吳若希明言發動「全民監察」

她與老公一輪爭吵後，Jinny罕有發多篇限時動態，每句都有骨，她又說：「講埋今次，之後大家喺條街度見到佢同第二條女一齊，唔好大驚小怪，因為佢都係做嘢啫😇😇」
吳若希公審完老公後，於IG貼出自己的新歌《空白》錄音，留言：「散聚有時 愛恨有時 發夢到此世界來到盡處」但就叫大家不叫過份解讀。有媒體查詢事件，她似乎仍怒火中燒，表示：「唔車個仔返學，車條女返工好正常。」

吳若希親回網民氣未消 句句有骨

不少網民在吳若希的社交平台上留言，她都親自回應。有網民與吳若希同一陣線留言「送文件送到去人地屋企咁盡責，值得公開表揚。」吳若希留言「真」表示讚同。又有網民謾罵式留言指「你老公肯娶你，已經係人類史上最偉大嘅事」，她又打趣說「真係好可惜你冇資格做偉大嘅事」，又有網民恥笑她「你老公出面食女，你除左係到出下post，無野做到？」她更回應直指網民誹謗，沒有證據不應指她老公「食女」。

吳若希回應網民留言

吳若希網上公審老公非第一次

吳若希多次將家事擺上公共平台，網民反應兩極，除了有網民取笑她指她搏出位，亦有不少女網民身同感受，對她的行動表示支持。如今「老公接送女員工」事件於網上廣傳，有全港網民幫吳若希「睇實老公」，她應該已經放心了吧。
Follow she.com on Facebook & Instagram