曼聯名宿堅尼覺得哥迪奥拿做緊show 因為曼城作客擊敗曼聯之後，哥迪奥拿捉叻夏蘭特傾計

曼城係上星期作客擊敗曼聯，曼城教練哥迪奧拿係比賽之後捉住前鋒夏蘭特傾計。不過呢個行為令到曼聯名宿堅尼覺得哥迪奧拿做緊show，呢位曼聯名宿就話「哥迪奧拿係度做緊show，因為你可以入去更衣室去做呢啲嘢，你有咩野一定要依家傾呢🤔？」

對於堅尼批評，哥迪奧拿就話「我本人非常尊敬堅尼，或者堅尼講得啱，避免係球場同球員傾計，但呢啲嘢成日都會發生，而我呢個年紀唔需要專登去做啲嘢出嚟。我有時候會行入球場，有時候仲會同球證打招呼，我只係表達自己當時感受🙂。」

事實上，今次唔係哥迪奧拿第一次完咗比賽即刻行入球場同球員進行溝通，呢位西班牙🇪🇸教練鍾意即刻表達自己意見見解，希望球員仲有

印象嗰陣好好改善，而哥迪奧拿當時認為如果夏蘭特頭槌無被奧拿拿救到，呢位挪威🇳🇴前鋒就可以係奧脫福球場大演帽子戲法😎

運動