張敬軒《The Prime Classics》澳門演唱會共13場將於倫敦人綜藝館舉行，首場12月15日演出，軒仔深夜在社交平台「求票」，因為他忘記留演唱會門票給阿媽，為免斷六親。希望歌迷以正價轉讓給他。
他寫道：「我聽日去澳門綵排，今晚呢個鐘數排完舞仲做緊分飛燕，又想照顧好啲朋友，又覺得自己應該落手去處理，點知自己金魚記憶轉個頭就唔記得咗幫人落少咗飛。實在走投無路出此下策, 跪求12月16號 $1680 門票10張, 12月31號 $1680 門票四張。如果冇會斷六親，但只限正價另加手續費購買，有冇人可以幫幫我。#AlexFung已經幫唔到我#有門票邊個想做咖哩」
軒仔被取笑成為演唱會史上第一位藝人，深夜網上跪求自己演唱會門票畀阿媽。最搞笑是「花生友」極多但沒有人答應讓票，軒仔失望留言：「零回覆」。軒仔今次給歌迷會優先購票，成功爭取過萬張飛留歌迷會，確保每一個會員都買到飛，結果自己唔夠飛畀阿媽。有歌迷留言「你都有今日」，軒仔可體驗撲飛之苦，亦有不少歌迷願意割愛，提供自己手上日子的門票，問軒仔要唔要。
（即時娛樂）
