諾定咸森林今晚將會作客對住曼聯，今場倒戈嘅英格蘭🏴中場連加特最近接受電訊報訪問表示自己去到今時今日都唔明白當初點解會被曼聯棄用
連加特就話「我唔點解自己無得上陣，我唔知道問題出現係邊？究竟係政治原因定係其他因素，去到今日我都搵唔到答案。我甚至無去問呢個問題，我真係好想有人話我知點解無得上陣。」
連加特仲話「蘇斯克查對我作出虛假承諾，我好努力訓練，我都準備好參加曼聯比賽，當你好努力訓練，但係就無咩上陣機會，呢種感覺真係令人好沮喪。」
連加特最後就話」我一定要係曼聯最後一季努力提升自己，因為我知道自己將會以自由身離開球隊。我係更衣室成日都扮演住積極角色同製造良好氣氛。我一直都好努力訓練，準備隨時上陣同埋嘗試展現最好自己。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
