內地男星吳亦凡日前因強姦罪及聚眾淫亂罪罪成，被判有期徒刑13年，服刑後被驅逐出境，並有機會遣返加拿大後恐面對「化學閹割」刑罰，已經再冇出頭天，演藝事業正式玩完。曾與吳亦凡同為韓國男團EXO中國籍成員嘅張藝興，當年同吳亦凡由韓國鬥到返內地，多次傳出兄弟情不再，今次吳亦凡坐監，張藝興就咁啱被拍得喺內地拍攝節目時，就跳出9年前發行嘅EXO經典名曲《咆哮（Growl）》舞蹈，雖然唔係正式舞台騷，但都夠一班網友熱烈討論。
張藝興疑似喺舞蹈教室準備拍攝教小朋友跳舞嘅節目，佢喺一旁等Roll機時，就熱身跳起《咆哮（Growl）》副歌編舞，拍片嘅網友就稱讚：「可以被張老師指導，小朋友們巔峰了，本人超級帥，不是有點帥」不過有網友就覺得佢揀喺呢個時間忽然再跳EXO舊歌，似有「贈興」前隊友落難之嫌。
東網網站 : https://on.cc/東網Facebook專頁 : https://www.facebook.com/onccnews/
留言 0