開心大綜藝│C君化身方東降惡搞《尋人記》 68歲盧苑茵衛蘭上身 江美儀玩低俗

曾志偉敲鑼打鼓重整無綫綜藝，重頭節目《開心大綜藝》宣傳片中更有12位金牌主持助陣，其中有意重奪「星夢一姐」的吳若希事前張揚話會續約，公司委派重任主持《開心大綜藝》，不過首播當晚主持12缺一，吳若希竟然唔見人，社交網亦冇解釋為何冇影，典解嘅？潛水幾日的吳若希終於公開現身，不過她就避談冇份做主持一事，更稱公司現派她做「瑣碎工作」，扭一扭計終於傾掂數吳若希又翻生，有得主持第二集《開心大綜藝》，而新一集《大綜藝》一樣係炒雜料，但派出農夫的C君惡搞方東昇主持的《尋人記》，算是爛中有笑！

撰文：東方新地 圖片：TVB電視截圖、江美儀IG圖片

C君玩盡《尋人記》

4月初無綫播出節目《尋人記》大受歡迎，節目由方東昇帶領黃曉瑩、李曉欣及黃靖婷主持，方東昇繼續大講金句，搞Gag之餘，更在茫茫人海中尋找八、九十年代的新聞故事主角，對比他們的今昔生活！《尋人記》上周五告一段落，節目大受歡迎，《大綜藝》唔執輸，找來周一(19日)接棒的節目《大整蠱》的主持之一農夫C君向《尋人記》方東昇致敬，化身「方東降」尋人。

金句一：

風唔會吹人，歲月先會催人

玩尋人，尋覓一周前在無綫節目上得到5,000蚊獎金的得獎人，十分玩嘢！

金句二：

佢哋都係去咗同一個「島」，就係搵佢唔到！

金句三：

單眼佬睇世界，一眼睇晒

金句四：

世界最大的空間是進步空間，最細的空間係屋企空間。

金句五：

呢杯係Tina斟俾我嘅水，呢杯係「Tina水」

金句六：

Tina洗錢好似我哋洗腸一樣，洗得乾乾淨淨！

以金句為《沉人記》作結。

吳若希首集《開心大綜藝》被消失

開心大綜藝金牌主持大晒冷

無綫全新合家歡綜藝節目《開心大綜藝》首播，之前的宣傳片講到主持好猛料，有12位之多，包括Bob、方力申、森美、阮兆祥、陸永、C君、六號、伍詠薇、江美儀、馮盈盈、麥美恩以及吳若希，不過首播當日由下午拜神到直播出街，都未見吳若希蹤影，到了直播翌日她對冇份主持節目依然隻字不提，卻在IG留言畀麥美恩，表示在節目中看見她玩遊戲，自己都好想玩埋一份。

吳若希曾自爆九成九續約

早前即將約滿的吳若希對外表明樂於繼續當無綫「親生女」，據知無綫已派高層樂易玲、何麗全約見她傾談合約，經常被傳與菊梓喬（Hana）惡鬥的吳若希，過去幾年為生仔放慢演藝工作，約滿之際碰巧公司人事變動，上月產後復工的她即擺出一副戰鬥格，並已落實續約，只差未正式動筆，全世界都知她獲委派重任，擔任直播節目《開心大綜藝》的主持工作，到最後節目離奇唔見影，竟然冇人提及，無綫與吳若希本人亦未有解釋原因，而直播當晚吳若希亦在社交網⋯⋯笠聲唔出。

公開現身避談冇份主持《開心大綜藝》

突然冇份主持《開心大綜藝》的吳若希，現身無綫與QQ合作內地推廣廣東歌的啟動儀式，活動上吳若希罕有地低調靠邊站，顯得好避忌，接受訪問時她談到新工作，隻字不提《開心大綜藝》，只繼續「慈母上身」表示屋企小朋友仲細，想畀多少少時間喺屋企，所以現階段只做《姊妹淘》，同埋錄影《勁歌金曲》。吳若希形容這些都是瑣碎的工作，有時都心急返屋企湊女。至於何時才開始拚搏，收復失地，她說要等細仔半歲，即是要等多一個月左右，之後才會正常工作趕進度。

開心大綜藝節目被彈老土

《開心大綜藝》是曾志偉回歸後首個重點策劃的綜藝節目，節目中有大型歌舞、短劇及遊戲環節，似足當年《歡樂今宵》，不少網民都批評節目內容老土，就連神秘嘉賓係盧冠廷都冇乜人提及，可知吸引力真係好削。首席創意官王祖藍變身「無綫特別堆田區行政長官」藍太，抽盡疫情記者會水。不過網民好似唔多受落，覺得只是做回十年前的「福祿壽」及王祖藍又係扮女人等等。

曾志偉緊張監場

曾志偉臨危受命要搞好無綫綜藝，《開心大綜藝》首播當然份外緊張，緊張監場的他完騷後即上台鼓勵台前幕後，不停影大合照又接受訪問，似乎非常滿意節目。

開心大綜藝全台抗疫意識低

為了新節目造勢，無綫安排大量現場觀眾入場，當晚反應非常熱烈，完場後曾志偉更帶頭親親觀眾，近距離送客，對於熱情觀眾要求握手，曾志偉與幾位主持都來者不拒，社交距離等於零。而朱晨麗、劉佩玥與鄧佩儀在完場時更連透明口罩都冇戴，仲圍住樂易玲狂噴口水。之後曾志偉吹雞叫所有人一齊去無綫飯堂食宵夜，冇皇管之下就更加肆無忌憚。