【合時 2.0】再遇權哥！久別重逢的滋味 升級陣容 新桂香燒味大廚坐鎮 即燒乳豬琵琶鵝！13萬會費 中環名人會所 Batard Club 天價酒窖 從此升級不再是小廚？

今次來到中環合時，再遇權哥，樓面同廚房見到好多熟悉嘅面孔，感覺好親切。由合時小廚升級成為『合時』，已經唔再叫小廚。環境，服務，菜式，種種體驗都完全升級晒。除咗保持合時原則『新鮮』，細節位做得好好，菜式溫度保持得穩定。就連每一條腸粉都做到濃邊香脆，齊整不散，入味軟糯。件事 Fine Tune 曬，重新演繹升級版有權哥嘅合時。亦都添加咗點心部，又有柴灣著名燒臘店新桂香大師傅坐鎮，炮製新鮮出爐燒味，質素絕對唔輸俾外面嘅名人燒味飯堂！
位於中環畢打行，上年以天價打造嘅高級會所 Batard Club 係 Fine Wine Experience 嘅延伸，2/F 係西餐 Batard，3/F 就係中菜廳『合時』。完全會員制，今次可以係老婆生日來到食，絕對係一個好值得嘅體驗！