今年對艾粒（ILUB）早前舉行的演唱會一票難求，隨即公佈於明年2月9至2月11日在九龍灣國際展貿中心 Star Hall 舉行《Part2 ! 王鳳女士 XYZ 銀河道士大匯演》，3場門票全數售罄。
Part2門票承接上月演出的熱度全數售罄，艾粒衷心感謝每位一直在背後支持他們的粉絲，尤其是上次演出未能成功購票、身處海外的「粒粒粉」。
占表示：「本來無諗過咁快賣飛，但可能會有海外fans要多啲時間準備回港嘅日子，所以同公司商量後都係決定早啲賣飛。」二人笑言今次要著泳衣謝票。
宣傳方面，公司早已安排在12月黃金檔期於紅隧口放置Part2演出的廣告牌，更將擺放至明年初，讓一眾「粒粒粉」可以與王鳳女士及銀河道士相遇，陪伴大家一同跨年。
艾粒感謝公司送贈的驚喜，不過當奴希望公司能嚴選廣告照：「希望可以揀張靚啲嘅相，最多我自己夾返錢呀！」當奴以「安西先生」漫畫出post寫道：「艾粒part 2 3場爆滿，好感動，希望有錢影過張海報，但都賣晒飛會唔會話唔使宣傳啦？影嚟做乜又盛又盛。Anyway，Part 2嚟之前，要再練新舞，下年見。」