劉穎鏇水着擺甫士成熱話　全靠睇深田恭子寫真惡補

藝人劉穎鏇於無綫台慶劇《超能使者》有場穿比堅尼拍廣告戲份，早前播出預告片時已惹起網民關注激讚，還封她為「最強Body」，不過鏡頭前Tiffany擺Pose甚有女神風範，惟監製文偉鴻卻爆Tiffany擺甫零天分，拍攝前專誠找來日本女神深田恭子的寫真惡補。

對此Tiffany笑說：「我覺得深田恭子好靚，係健康嘅Sexy，自己喺屋企試擺佢啲Pose時，我睇見自己都有啲怕醜。」性格保守的她坦言私下甚少性感打扮，當初得悉要拍攝水着戲時也有點擔心：「我係缺少啲自信心，擔心各方面都達唔到大家要求，拍攝現場好多幕後人員，初頭點都有啲怕醜，但拍咗大半日之後，加上大家都好保護我，好多動作都make sure真係唔會走光至叫我做，我先至愈拍愈放心。」

而拍攝當日Tiffany一抵埗便落大雨，結果劇組要等足半小時才有工開，監製忍不住取笑Tiffany為「雨神」，指對方幾乎次次開工都落雨，Tiffany聞言即「反擊」：「真係唔關我事，呢個係天氣問題，但我都唔介意大家開玩笑嘅！」

東網網站 : https://on.cc/東網Facebook專頁 : https://www.facebook.com/onccnews/