陳凱琳（Grace）的龍鳳胎細佬Derek在剛過去的父親節，於IG post貼出他與爸爸的最新合照，由於Derek的混血兒外貌與爸爸外表分別太大，再次引起網民熱烈討論。向來愛抽水的林作日前提出以100萬港元向Derek發出挑戰，要求他驗DNA證明父子關係。
今早林作在社交平台預告事件有最新進展，聲稱有「重大進展將會公佈」，但到原定爆料時間又出post表示「由於依然有好多網民發表緊意見，兩邊爭持不下，反映出社交媒體上及社會的兩極化，本人決定推遲多1小時，今日香港時間下午二時放出最新消息，將會震撼全港」。
下午二時林作再寫道：「我宣布：我今早獲得陳家私下回覆，距離探究究竟是隔代遺傳還是隔壁遺傳又近了一步。過去兩小時Follower只多了200人，這樣吧，IG到達40K，我就會post出完整回應。Facebook page上此post上到1k like我也會post。如果post出嚟唔收貨，我切。包震撼。」
然後在下午5時再出post，寫到：「IG 得 38.4K, 人氣遠高於follower數字。不過見FB Page有過千Like，得，我會公開對方回應。依家見緊客，見完即刻出。」
終於在5時30分前，林作出post寫到：「本人兌現承諾，公開陳家私下回覆：Derek 的家姐 Joyce 昨晚回覆了，但我係今早得知的。Joyce姐忘記，其實多年前，我為了探究究竟佢地係咪親生而用我自己私人Facebook Add咗佢。佢嘅意思，係願意做test，但價格出手太低！明白嘅，始終我用緊自己錢，人地講緊家族顯赫，區區得100，你估我細佬Derek喺嗰個167 Derek咩！收到，本人馬上聯絡身在深圳嘅林母，睇下佢可否番黎幫拖。我馬上聯絡我媽媽，大家俾少少時間我，我睇下可以點樣加碼。今晚12點，我會在此post於Facebook 獲得 1500個Like，及IG有45K followers的情況下，希望用大家嘅like及follow，代表民意，打動我老母，母子齊心，誠意金打動，俾我地一個機會，真相大白！也請傳媒幫手聯絡我媽媽，我知道大家都有佢微信，一齊轟炸佢，叫佢幫手！」
