越南地道菜推介　真牛骨熬成牛骨湯好鮮甜｜尖沙咀｜河內越南料理

閒日3點鐘呢啲時間，比着平時啲餐廳一定拍烏繩，但呢間竟然可以咁爆場，仲要係隱藏地庫嘅角落，真係呢頭做嘢嘅人先識黎。

呢間越南菜一向唔錯，連罕見嘅越南地道嘢都有，例如濱海(Bánh hỏi)真係少見，另外最估唔到嘅係，果杯冰鎮奶茶竟然幾好飲，可能啲人3點黎都係嘆杯奶茶。

-
🥩生牛肉湯河粉 ($61)
真牛骨熬成嘅牛骨湯，湯頭鮮甜得黎，帶點牛骨香，真係會忍唔住飲多幾啖，生牛肉粉嫩啖啖肉，入口帶有脂香肉香。

🍖濱海伴香茅豬扒 ($76)
🦀順化蕃茄蟹肉扎肉湯檬 ($70)
前者豬扒真係要用靚仔形容，外層香口內裡入味，而且連越南地道濱海都有，後者正宗蟹湯帶陣陣蟹鮮，用新鮮蕃茄熬埋一齊，味道真係清甜。

🥓河內豬頸肉法包三文治 ($54)
烤到金黃色嘅靚法包，一咬超脆，啲碎彈到四圍都係，包住醃過嘅燒豬頸肉，啖啖肥美。

🧋冰鎭凍奶茶 (+$10)
☕️越南滴漏咖啡 (+$18)
正如上邊提到，杯奶茶真係唔錯，而且冰鎮夠哂佛心，另外越南正宗滴漏咖啡都有，晏晝嘆返杯真係C服。

-
河內越南料理
🗺️尖沙咀彌敦道36-44號重慶大廈地庫Heath 21號舖
📞2219 9468

生活